(资料图片仅供参考)
▲“天美”和“何彬”失去儿子后，展开寄养父母之路。
郑秀文（Sammi）和陆骏光（嗱喳）首度在《流水落花》合作，电影获电影评论学会推荐，更令Sammi再封影后兼获提名金像奖。戏中两人因经历丧子之痛而踏上寄养父母之路。全片重头戏，Sammi踢爆嗱喳有外遇，再揭开埋藏多年对丈夫的怨恨。从独家首曝光的剧照可见，淡妆加素色便服的Sammi以心痛眼神凝望老公，最后拎早逝儿子照片蹲地崩溃狂喊，青筋暴现一幕非常令人心痛。这场戏一镜到底更连拍4次，Sammi好惊演唔掂连累对手，不过嗱喳就赞Sammi早在围读时已在剧本写晒分析做足功课，难怪演绎极有层次尽显影后功架。
导演贾胜枫认为这场闹交戏在电影中极重要，因追求有真实感觉，除了事前围读过几次外，亦选择另类处理手法拍摄，“我想将power留待两位演员真正拍摄先流露出嚟，所以冇做排练，分镜惊啲情绪会唔接，就用一镜直落想一气呵成，结果佢哋take咗4次，闹足4次交咁多，场戏喺电影占唔到5分钟，但拍时超过9分钟，好做到夫妻闹交感觉。”
贾导大赞两位主角表现好出色，用好冷静反应去面对夫妻间大事件，“Sammi一开始用冷言冷语质问老公陆骏光，‘你呢张单系咪有第二头家’，佢处理得好好，我要嗰种唔系喊苦喊忽咁讲，咁样先符合‘天美姨姨’性格，陆骏光尾段亦好好，由最初少少退缩讲‘都系拖吓手啫’，终于将情绪释放出嚟，投诉老婆冇理过佢感受再讲到个仔，情绪慢慢增加。”
虽然冇经历过“天美”的不幸，但Sammi盛赞剧本太好，要投入角色并不难，“我冇特别谂要点投入角色，角色本身足够让我代入失去孩子嘅痛，要归功于编剧写嘅剧本，好令到我感受到呢个痛楚。” “天美”面对丈夫有外遇，因而揭开多年来一直怨恨丈夫，未有尽力挽救孩子而情绪大爆发，Sammi最欣赏角色能诚实面对丈夫出轨，“佢反而系冇遮住，对于丈夫有外遇呢件事，好真实去面对，当下就有答案，‘我唔会离婚，要继续助养啲小朋友’，喺呢件事上面相对理智。”
▲“天美”和“何彬”看着儿子的遗物，情绪失控。
演丧子痛借用爱犬离世感觉
嗱喳认为跟Sammi相处了一段时间才拍这场戏，对投入情绪有一定帮助，“大家入晒戏，默契已经喺度，亦都好相信大家，情绪一路储落嚟去到呢一幕，Sammi当然系好好嘅对手，佢嘅准备功夫好充足，我记得围读时，佢个剧本写咗好多分析嘅嘢喺度。”而他很欣赏编剧用淡淡然手法表达，令夫妻关系更真实，“呢个手法反而令我相信呢件事，有时两公婆嗌交唔会有场戏交代我哋好返，我拍时系几心痛‘何彬’，但抽身出嚟再睇会心痛‘天美姨姨’多啲，个仔走咗佢要强忍眼泪行落去，老公仲要做咗件咁嘅事，反而‘何彬’大细路性格会好容易过。”
演绎丧子之痛时，嗱喳原来借用爱犬离世时的感受，“第一只狗离开时嘅伤痛，我都有摆落去套戏入面，有养过狗嘅朋友都应该知道，唔会当佢系动物，会当佢系亲人。”讲到会否认同“何彬”有外遇，被老婆踢爆仍否认的处理，嗱喳就搞笑澄清：“我肯定唔会有外遇先啦！”但认同角色的处理，“如果佢想段关系完，就一早认咗唔使拗落去，狡辩其实系想修补关系啫！”
▲Sammi和嗱喳在谢票活动，受到粉丝热烈支持。
以上内容归星岛新闻集团所有，未经许可不得擅自转载引用。
